Рэдагаванне інфармацыйных матэрыялаў № УД-S-138/р.

Abstract

Дысцыпліна спецыялізацыі “Рэдагаванне інфармацыйных матэрыялаў” мае цесную сувязь з курсам “Методыка літаратурнага рэдагавання”, які вывучаецца студэнтамі спецыяльнасці “Літаратурная работа (рэдагаванне)” у 5–7 семестрах і ўваходзіць у цыкл агульнапрафесійных і спецыяльных дысцыплін. У той жа час вывучэнне прадмета грунтуецца на ведах па тэорыі журналістыкі і методыцы журналісцкай творчасці, што забяспечвае арганічнае спалучэнне практычных навыкаў стварэнння медыятэкстаў і ўсвядомленага падыходу да іх рэдагавання. Падрыхтоўка рэдактара прадугледжвае фарміраванне рэдактарскай кампетэнцыі, арыентаванай на працу з тэкстамі разнастайных стыляў і жанраў. Курс “Рэдагаванне інфармацыйных матэрыялаў” накіраваны на рэдагаванне журналісцкіх тэкстаў, аднесеных да інфармацыйных жанраў, якія складаюць значную частку кантэнту сучасных СМІ. Рэдактарскі аналіз, ацэнка і праўка інфармацыйных паведамленняў, заметак разнастайных відаў, справаздач, рэпартажаў, інтэрв’ю могуць быць якасна праведзены толькі з выкарыстаннем камунікатыўнага і функцыянальнага падыходаў, што прадугледжвае ўменне спецыяліста бачыць адрозненне ў інфармацыйных матэрыялах газет і часопісаў, радыё і тэлебачання, інфармацыйных агенцтваў і інтэрнэт-выданняў.