Грамадзянскія войны і канфлікты ў гісторыі Вялікага Княства Літоўскага ў XIV–XVIII ст. Спецыяльны курс. № УД–753/р.

Abstract

Спецыяльны курс “Грамадзянскія войны і канфлікты ў гісторыі Вялікага Княства Літоўскага (сярэдзіна XIV – XVIII стст.)” прадугледжаны для выкладання студэнтам 4 курса спецыяльнасці “гісторыя” на гістарычным факультэце Беларускага дзяржаўнага універсітэта. Праблема “грамадзянскай вайны” ў беларускім нацыянальным наратыве палягае не столькі ў адсутнасці ацэнкі гістарычных падзей, колькі ў самім разуменні пад канфліктамі і войнамі яе “грамадзянскага/унутранага” складальніка. Мы маем перад сабой значную дэзарыентацыю. Гэта выяўляецца як у тэрмінах прымененых да “войнаў”, так і вызначэнне іх прыналежнасці – свая ці чужая, знешняя ці ўнутраная. Больш за тое, некаторым войнам увогуле няма ацэнкі, ні станоўчай, ні адмоўнай. “Войны” распушчаны ў масе інфармацыі, пададзенай ў спецыяльнай і папулярнай літаратуры.