Параграфеміка кнігі № УД-S-123/р.

Abstract

Спецкурс “Параграфеміка кнігі” накіраваны на ўдасканаленне ведаў і навыкаў па засваенні прафесійнага майстэрства студэнтамі спецыяльнасці “Літаратурная работа (рэдагаванне)”. Распрацаваны з улікам сучасных даследаванняў у лінгвістычнай навуцы. Семіётыка тэксту, кінэсіка, паралінгвістыка, параграфеміка маюць асноўным прадметам свайго разгляду розныя вербальныя і невербальныя знакі і іх сістэмы. Знакавая прырода розных фактаў чалавечага быцця сёння набывае актуальнае гучанне. У якасці аб’ектаў навуковага аналізу “Параграфемікі кнігі” разглядаюцца невербальныя знакі ў розных тыпах кніжных выданняў. Параграфеміка – адзін з сучасных накірункаў, што звяртаецца да традыцый мовазнаўства, літаратуразнаўства, тэксталогіі. Уключэнне ў кнігу розных параграфемных знакаў абумоўліваецца іх функцыянальнай накіраванасцю, тэматыкай і паліграфічнымі магчымасцямі выдання, яго чытацкай аўдыторыяй. Невербальныя кампаненты дапамагаюць зрабіць пісьмовы тэкст больш матываваным, экспрэсіўна значным. Мэта спецкурса “Параграфеміка кнігі” – дэталёвае вывучэнне найбольш значных параграфемных знакаў у кніжных выданнях: фотаздымкаў, малюнкаў, сімвалаў, лічбаў, схем, графікаў, дыяграм, табліц, формул, а таксама іншых сродкаў афармлення тэкстаў.