Прафесійнае майстэрства. № УД-S-131/р.

Abstract

Тыпавая вучэбная праграма распрацавана для ВНУ Рэспублікі Беларусь у адпаведнасці з патрабаваннямі адукацыйнага стандарта па спецыяльнасці 1-23 01 10 “Літаратурная работа (па напрамках)”. Характарыстыка вучэбнай дысцыпліны. “Прафесійнае майстэрства” – спецыфічная дысцыпліна, якая прадугледжвае мінімум тэарэтычных (лекцыйных) заняткаў і максімум практычнай работы, часта індывідуальнай. Яе сутнасць – набыццё рэдактарскіх уменняў і пашырэнне кола ведаў па спецыяльнасці праз практычную работу над рукапісам у аўдыторыі і на вытворчасці. Работа на прадпрыемстве павінна арганічна ўваходзіць у навучальны працэс, стымуляваць развіццё вучэбных уменняў і творчых здольнасцей студэнтаў. Роля і месца вучэбнай дысцыпліны ў сістэме падрыхтоўкі спецыяліста. Вучэбны прадмет з’яўляецца неабходнай часткай прафесійнай падрыхтоўкі будучых спецыялістаў у галінах выдавецкай вытворчасці і сродкаў масавай інфармацыі. Яго выкладанне павінна мець планамерны і скіраваны на творчы пошук характар, садзейнічаць засваенню студэнтамі асноў абранай спецыяльнасці, замацаванню тэарэтычных ведаў, набыццю прафесійных навыкаў. Сувязі вучэбнай дысцыпліны з іншымі дысцыплінамі вучэбнага плана. Вывучаць дысцыпліну “Прафесійнае майстэрства” студэнты пачынаюць на трэцім курсе, пасля таго, як яны атрымалі агульнае ўяўленне пра гісторыю, задачы і сучасныя метады рэдагавання ў межах дысцыплін “Асновы літаратурна-рэдактарскай дзейнасці”, “Асновы творчай дзейнасці рэдактара” і “Методыка літаратурнага рэдага¬вання”. Курс мае сувязі і з дысцыплінай “Уводзіны ў спецыяльнасць”, а таксама “Сучасная беларуская мова”, “Сучасная руская мова”, “Аўтарскае права” і “Кнігазнаўства”. Ён становіцца грунтоўным падмуркам для вывучэння шэрагу методык рэдагавання асобных відаў выданняў. Пашыраючы звесткі і ідэі названых дысцыплін, гэты курс канцэнтруецца на практычным авалодванні навыкамі падрыхтоўкі тэкстаў да друку ці агучвання. У аснове навучання – максімальная індывідуалізацыя заданняў, дэтальны кантроль і разбор работ студэнтаў, падрабязныя кансультацыі па ўсіх пытаннях дзейнасці рэдактара.