Рэдагаванне мастацкай літаратуры № УД-S-160/р.

Abstract

Дысцыпліна спецыялізацыі “Рэдагаванне мастацкай літаратурыў” мае цесную сувязь з курсам “Методыка літаратурнага рэдагавання”, які вывучаецца студэнтамі спецыяльнасці “Літаратурная работа (рэдагаванне)” у 5–7 семестрах і ўваходзіць у цыкл агульнапрафесійных і спецыяльных дысцыплін. У той жа час вывучэнне прадмета грунтуецца на ведах па літаратуразнаўстве, што забяспечвае арганічнае спалучэнне практычных навыкаў стварэнння ўласных твораў і ўсвядомленага падыходу да іх рэдагавання. Падрыхтоўка рэдактара прадугледжвае фарміраванне рэдактарскай кампетэнцыі, арыентаванай на працу з тэкстамі разнастайных стыляў і жанраў. Курс “Рэдагаванне мастацкай літаратуры” накіраваны на рэдагаванне аўтарскіх тэкстаў розных родаў, відаў і жанраў. Рэдактарскі аналіз, ацэнка і праўка твораў мастацкай літаратуры (апавядання, аповесці, нарыса, рамана, п’есы, верша, паэмы і інш.) могуць быць якасна праведзены толькі з выкарыстаннем функцыянальнага падыходу, што прадугледжвае ўменне спецыяліста бачыць адрозненне ў творах мастацкай літаратуры. Мэтай дысцыпліны спецыялізацыі “Рэдагаванне мастацкай літаратуры” з’яўляецца прафесійна арыентаванае засваенне методыкі рэдагавання аўтарскіх твораў мастацкай літаратуры рознай жанравай прыналежнасці.