Міграцыйныя працэсы ў Беларусі ў канцы ХІХ – ПАЧАТКУ ХХІ стст. Спецыяльны курс. № УД-157 /р.

Abstract

Мэтай вучэбнай дысцыпліны “Міграцыйныя працэсы ў Беларусі ў канцы ХІХ – пачатку ХХІ стст.” з’яўляецца шматузроўневае вывучэнне міграцыйных працэсаў у Беларусі ў перыяд з канца ХІХ ст. да пачатку ХХІ ст.Значнасць міграцыйных працэсаў у развіцці грамадства ў цэлым надзвычай вялікая. Яны ўплываюць на дэмаграфічныя, сацыяльныя, палітычныя, эканамічныя працэсы ў дзяржаве. Разуменне прычын і фактараў міграцыйных працэсаў, іх мінулых і сучасных тэндэнцый, уменне ацэньваць іх наступствы дазволяць істотна палепшыць якасць прагнозаў міграцыі і падняць ўзровень абгрунтаванасці мэтаў і мер міграцыйнай палітыкі. Прапанаваны курс з’яўляецца важным элементам падрыхтоўкі спецыялістаў. У рамках дадзенага курсу вывучаюцца тэарэтычныя падыходы да аналізу міграцыйных рухаў, тэндэнцыі унутранай і знешняй міграцыі ў Беларусі і іншых краінах свету, прычыны міграцыйных перамяшчэнняў, праблемы інтэграцыі і адаптацыі мігрантаў, наступствы міграцыі для сацыяльна-эканамічнага развіцця і метады іх ацэнкі, асновы міграцыйнай палітыкі і вопыт яе прымянення.