Дзяржаўнае кіраванне на тэрыторыі Беларусі ўХХ СТ. Спецыяльны курс.№ УД-9146/баз.

Abstract

Курс "Дзяржаўнае кіраванне на тэрыторыі Беларусі ў ХХ ст." распрацаваны для студэнтаў гісторыкаў. Формы дзяржаўнага праўлення заўсёды з’яўляліся і з’яўляюцца аднымі з найбольш важных у жыцці грамадства. Яны ў многім вызначаюць характар яго дзейнасці, дасягненні і складанасці на гэтым шляху. Таму пастаянна наглядаецца павышаная цікавасць да такой тэматыкі. Ва ўмовах сувярэннай дзяржавы — Рэспублікі Беларусь у навукова-педагагічных работнікаў, студэнтаў і ўсёй грамадскасці ўзрастае попыт на веды па праблеме дзяржаўнага вызначэння Беларусі. Тым больш, што ў прыамбуле Канстытуцыі Рэспублікі Беларусь (ва ўсіх рэдакцыях) адзначана: дзяржаўнасць на беларускіх землях мае шматвекавую гісторыю. У гэтай сувязі асабліва важна прасачыць дынаміку дадзенага працэсу ў абставінах бурлівага ХХ стагоддзя.