Дакументазнаўства. № ВД-239/р.

Abstract

Мэта курсу - паглыбленае вывучэнне дакумента і сістэм дакументацыі ў іх гістарычным развіцці, тэарэтычных і практычных праблем стварэння дакументаванай інфармацыі ўстаноў любой арганізацыйна-прававой формы. Курс "Дакументазнаўства" прызначаны для студэнтаў, якія навучаюцца па спецыяльнасці 1-26 02 04 “Дакументазнаўства (па напрамках)”, уваходзіць у цыкл агульнапрафесійных дысцыплін, складае аснову фарміравання прафесійнай кампетэнтнасці выпускніка, з'яўляецца базай для вывучэння курсаў дакументазнаўчага цыклу "Тэхналогія і арганізацыя дакументацыйнага забеспячэння кіравання", "Інфармацыйнае забеспячэнне кіравання", "Дакументная лінгвістыка", "Арганізацыйнае праектаванне" і звязаны з курсамі "Гісторыя і сучасная арганізацыя дзяржаўных устаноў Беларусі", "Тэхнічныя сродкі кіравання", "Камп'ютарныя інфармацыйныя тэхналогіі ДЗК", "Архівазнаўства". Лекцыі раскрываюць асноўныя праблемы па кожнай тэме курсу "Дакументазнаўства". Семінарскія заняткі праводзяцца па тэмах курсу, якія патрабуюць набыцця практычных навыкаў працы з дакументамі, замацавання тэарэтычных ведаў, атрыманых на лекцыях і ў выніку самастойнай працы над навучальным матэрыялам. Улічваючы ролю дысцыпліны ў фарміраванні прафесійнай кампетэнтнасці выпускнікоў, мэтазгодна арганізоўваць выкананне курсавых работ студэнтамі, якія навучаюцца па спецыяльнасці "Дакументазнаўства (па напрамках) ", пераважана па дакументазнаўстве. Па дысцыпліне выконваюцца кантрольныя работы (не меней дзвюх). Аб’ём вывучэння дысцыпліны “Дакументазнаўства” студэнтамі, якія навучаюцца па напрамку спецыяльнасці 1-26 02 04-01 "Дакументазнаўства (дакументацыйгае забеспячэнне кіравання" (завочаная скарочаная, на аснове сярэдняй спецыяльнай адукацыі, форма атрымання вышэйшай адукацыі) вызначаецца на падставе вучэбнай праграмы і з улікам палажэнняў вучэбнага і рабочых планаў спецыяльнасці і складае 384 гадзін, у тым ліку 52 аўдыторных (40 гадзін лекцый, 12 гадзін семінараў). Па курсе прадугледжваецца два экзамены. Экзаменам у 3 семестры завяршаецца вывучэнне матэрыялу, які адпавядае агульнай колькасці гадзін 228, у 4 семестры – 156 гадзін. Агульная працаёмістасць дысцыпліны складае 10,5 заліковых адзінак.