Гісторыя Беларусі. № УД-634/р.

Abstract

Курс «Гісторыя Беларусі» з’яўляецца нарматыўным і адным з вядучых у навучальным плане спецыяльнасці «Гісторыя» ВНУ Рэспублікі Беларусь. Ён выкладаецца на працягу першага – трэцяга гадоў навучання (6 семестраў). Агульная колькасць гадзін на вучэбную дысцыпліну – 822, з якіх аўдыторныя заняткі складаюць 356 гадзін (214 – лекцый і 142 – семінарскіх заняткаў. Мэта вывучэння курса заключаецца ў набыцці студэнтамі ведаў аб асноўных этапах, з’явах і падзеях і імёнах айчыннай гісторыі; разуменні яе месца ў сістэме сацыяльна-гуманітарных ведаў; у дакладным уяўленні імі ўзаемапранікненняў і ўзаемаўплываў народаў, што адбываліся на сумежжы цывілізацый Захаду і Усходу; у фарміраванні творчай і гарманічнай, з навукова-гуманістычным светапоглядам, сацыяльна завостранай асобы.