Саслоўная палітыка расійскіх улад у Беларусі (кан.XVIII – пач.XX ст.). Спецыяльны семінар : вучэбная праграма для спецыяльнасці 1-21 03 01-01 Гісторыя (айчынная і ўсеагульная) (завочнае аддзяленне) №УД-176/р.

Abstract

Вывучэнню саслоўнай палітыкі расійскіх улад прысвечаны спецсемінар “Саслоўная палітыка расійскіх улад у Беларусі ў канцы XVIII—пач. XX”. Студэнты павінны азнаёміцца з прычынамі, этапамі фармавання, асноўнымі накірункамі і спецыфікай рэалізацыі саслоўнай палітыкі расійскіх улад у беларускіх губерніях у кантэксце агульнарасійскай саслоўнай палітыкі. Курс распрацаваны на аснове навуковых распрацовак як самога аўтара курса, так і навуковай літаратуры па тэме з выкарыстаннем крыніц для самастойнага аналізу студэнтаў.Мэтай спецсемінара з’яўляецца фармаванне ў студэнтаў ведаў адносна саслоўнай палітыкі расійскіх улад у Беларусі ў канцы XVIII – пач. XX у кантэксце агульнаімперскай саслоўнай палітыкі расійскага самадзяржаўя, фармаванне прафесійных навыкаў гісторыка-даследчыка ў працы з навуковай літаратурай і гістарычнымі крыніцамі, выпрацоўка ў студэнтаў аналітычных здольнасцей і навыкаў крытычнага мыслення пры аналізе крыніц сыходзячы з прынцыпа гістарызма.