Актуальныя праблемы палявой археалогіі: спецыяльны курс. № УД-079/баз.

Abstract

Палявая археалогія – комплекс метадаў і прыёмаў пошукаў і вывучэння археалагічных помнікаў, фіксацыі працэсаў даследавання, папярэдняй гістарычна-культурнай інтэрпрэтацыі помнікаў і аб’ектаў, першаснай кансервацыі археалагічных знаходак. Палявыя археалагічныя даследаванні – асноўны спосаб пашырэння крыніцавай базы археалагічнай навукі. Сучасны этап развіцця археалогіі характарызуецца актыўным укараненнем інавацыйных метадаў палявых даследаванняў з выкарыстаннем сучасных кампутарных тэхналогій, высокадакладнай інструментальнай базай. Гэта акалічнасць абумоўлівае неабходнасць спецыяльнай метадычнай падрыхтоўкі спецыяліста-археолага. Спецыяльны курс “Актуальныя праблемы палявой археалогіі” распрацаваны ў адпаведнасці з вучэбным планам гістарычнага факультэта Беларускага дзяржаўнага ўніверсітэта і прызначаны для магістрантаў, якія спецыялізуюцца на кафедры археалогіі і спецыяльных гістарычных дысцыплін (па накірунку “археалогія”). Прапанаваны курс з’яўляецца лагічным працягам спецыяльных курсаў базавага блоку (“Палявая археалогія”, “Тапаграфія ў археалогіі”, якія чытаюцца студэнтам спецыяльнасці 1-21 03 01-02 “Гісторыя (археалогія)”.