Дакументазнаўства. № ВД-379/р.

Abstract

Мэта курсу - паглыбленае вывучэнне дакумента і сістэм дакументацыі ў іх гістарычным развіцці, тэарэтычных і практычных праблем стварэння дакументаванай інфармацыі ўстаноў любой арганізацыйна-прававой формы. Задачы курсу: - паказаць узаемасувязь інфармацыі і дакумента; - прасачыць эвалюцыю дакумента як носьбіта інфармацыі, развіццё спосабаў дакументавання і матэрыялаў для фіксацыі інфармацыі; - прааналізаваць працэс складання і развіцця сістэм дакументацыі; - выявіць і паказаць тэндэнцыі ўніфікацыі і стандартызацыі як асобных форм дакументаў, так і сістэм дакументацыі ў цэлым; - прывіць навыкі аналізу дакумента; - прывіць навыкі праектавання ўніфікаваных форм дакументаў, сістэм дакументацыі і інфармацыйна-дакументацыйнай сістэмы арганізацыі ў цэлым. Курс "Дакументазнаўства" прызначаны для студэнтаў, якія навучаюцца па спецыяльнасці Дакументазнаўства (па напрамках), уваходзіць у цыкл агульнапрафесійных дысцыплін, складае аснову фарміравання прафесійнай кампетэнтнасці выпускніка, з'яўляецца базай для вывучэння курсаў дакументазнаўчага цыклу "Тэхналогія і арганізацыя дакументацыйнага забеспячэння кіравання", "Інфармацыйнае забеспячэнне кіравання", "Дакументная лінгвістыка", "Арганізацыйнае праектаванне" і звязаны з курсамі "Гісторыя і сучасная арганізацыя дзяржаўных устаноў Беларусі", "Тэхнічныя сродкі кіравання", "Кампутарныя інфармацыйныя тэхналогіі ДЗК", "Архівазнаўства". Лекцыі раскрываюць асноўныя праблемы па кожнай тэме курсу "Дакументазнаўства". Семінарскія заняткі праводзяцца па тэмах курсу, якія патрабуюць набыцця практычных навыкаў працы з дакументамі, замацавання тэарэтычных ведаў, атрыманых на лекцыях і ў выніку самастойнай працы над навучальным матэрыялам.