ПРАВАВАЯ КУЛЬТУРА Вучэбная праграма ўстановы адукацыі па вучэбнай дысцыпліне для спецыяльнасці: 6-05-0314-03 Сацыяльна-культурны менеджмент і камунікацыі Рэгістрацыйны №4226/б

Abstract

Мэта вучэбнай дысцыпліны – фарміраванне ў асоб, якія навучаюцца, цэласнага ўяўлення аб праве як агульнасацыяльным рэгулятары грамадскіх адносін і заканамернасцях функцыянавання права ў сучасным грамадстве, аб канстытуцыйна-прававых нормах і інстытутах, канстытуцыйным ладзе Беларусі, парадку фарміравання і функцыянавання органаў дзяржаўнай улады, прававым статусе чалавека і грамадзяніна для развіцця здольнасці ўдзельнічаць ў павышэнні агульнага ўзроўню прававой культуры. Задачы вучэбнай дысцыпліны: – фарміраванне ў студэнтаў разумення сутнасці права і прававой культуры; – развіццё кампетэнцый па вывучэнні і тлумачэнні прававых крыніц; – фарміраванне базавых прававых кампетэнцый для іх ужывання ў паўсядзённай, прафесійнай, даследчыцкай дзейнасці, у тым ліку здольнасці адшукваць, аналізаваць і прымяняць, засноўваючыся на навуковых ведах, адпаведныя сферы прафесійнай дзейнасці і канкрэтнай задачы нормы заканадаўства.