Інтэртэкстуальны дыялог паміж беларускай і кітайскай культурамі ў вершах кітайскага цыклу Максіма Танка

Abstract

У артыкуле характарызуецца кітайскі цыкл вершаў Максіма Танка, створаны пасля паездкі ў Кітайскую народную рэспубліку ў 1957 г. Даюцца звесткі пра яго напісанне, публікацыю і пераклады. Аналізуецца змест вобразаў у вершах «Міска для рысу», «Бронзавае люстэрка», «Засуха ў правінцыі Хэнань», «Мост дружбы», «За бяседным сталом», «Ці Байшы». Вызначаюцца інтэртэкстуальныя сувязі мастацкіх вобразаў вершаў з традыцыйнай культурай Кітая, яго старажытнай гісторыяй, сацыяльнымі зменамі ў жыцці народа, з’явамі прыроды. Вылучаюцца сэнсавыя канатацыі, блізкія беларусам і кітайцам. Акрэсліваецца патэнцыял канструктыўнага дыялогу паміж рознымі культурамі, якому ў 1950-я гады паспрыяла творчасць Максіма Танка