Вобраз жанчыны ў паэтысцкім зборніку Яраслава Сэйферта «Паштовы голуб»

Abstract

У артыкуле пададзены аналіз вобраза жанчыны ў зборніку «Паштовы голуб» (Poštovní holub, 1929), які стаў апошнім паэтысцкім зборнікам вершаў чэшскага паэта Я. Сэйферта (Jaroslav Seifert, 1901 – 1986). Важнасць разгляду дадзенага вобраза заключаецца ў тым, што жанчына стала адным з галоўных вобразаў у паэтычнай трыядзе пісьменніка (любоў да паэзіі, Прагі і каханне да жанчыны). У артыкуле таксама разглядаецца вобразная сістэма зборніка «На хвалях TSF» (Na vlnách TSF, 1925), які стаў асновай для стварэння зыходна чэшскага літаратурнага кірунку. Зварот да першага паэтысцкага зборніка дазваляе вызначыць дамінантныя вобразы, характэрныя для ўсёй далейшай творчасці Я. Сэйферта, якія яскрава адлюстраваныя ў наступных этапах яго паэзіі.