Нацыягенез і міфатворчасць у мастацкай літаратуры ў кантэксце дыскурсіўных практык ХІХ – ХХІ стагоддзяў : справаздача аб навукова-даследчай рабоце (заключная) / БДУ ; навуковы кіраўнік Г. М. Бутырчык

Abstract

Мэта – выяўленне форм мастацкай рэпрэзентацыі нацыянальнай ідэі і спосабаў мастацкай фіксацыі нацыянальнага міфа ў сусветнай літаратуры; вызначэнне спецыфікі фарміравання «нацыянальнага (беларускага / англійскага / амерыканскага / нігерыйскага) тэксту». Аб’ект – творы беларускай і англафонных літаратур. Метады даследавання: параўнальна-гістарычны, герменеўтычны, структуралісцкі, постструктуралісцкі, структурна-семіятычны, рэцэптыўны, нараталагічны. У выніку работы былі даследаваны категорыі міфа і ідэнтычнасці, працэсы (рэ)міфалагізацыі і міфатворчасці ў нацыянальных (англійскай, амерыканскай, аўстралійскай, афраамерыканскай, беларускай, індыйскай, ірландскай, канадскай, нігерыйскай, танзанійскай, шатландскай) літаратурах. Разгледжаны феномен калектыўнай траўмы і яе ўплыў на літаратурную творчасць (аповесці Я. Брыля, В. Быкава, раманы Ч. Ачэбе, З. Н. Хэрстан), канцэпцыя цыклічнасці ў посткаланіяльным дыскурсе, узаемадзеянне нацыянальнага і ўніверсальнага ў дыялогу культур мінулага і сучаснасці. Акрэслена значэнне культурнай памяці для фарміравання нацыянальнай самасвядомасці. Вынікі даследавання адлюстраваныя ў навуковых артыкулах, матэрыялах канферэнцый і ўкарэнёныя ў вучэбны працэс УВА (базавыя курсы, спецкурсы).