Функцыянаванне сродкаў масавай камунікацыі на сучасным этапе: камунікатыўны і рэдактарскі аспекты : справаздача аб навукова-даследчай і вопытна-канструктарскай рабоце (заключная) / БДУ ; навуковы кіраўнік В. І. Іўчанкаў

Abstract

Аб’ектам даследавання з’яўляюцца структура, камунікатыўны і рэдактарскі складнікі журналісцкага тэксту. Мэта работы: вывучэнне сучасных СМК ў камунікатыўным і рэдактарскім аспектах і выпрацоўка рэкамендацый па ўдасканаленні зместу медыйнага прадукту з гледжання яго лінгвастылістычнай арганізацыі. Метады правядзення даследавання: кампаратыўны; дэскрыптыўны; семантыка-стылістычны; квантытатыўны; інтэнцыянальны; герменеўтычны; дыскурсны аналіз СМІ. Вынікі работы і іх навізна: Даследаванне пракладае шлях новаму самастойнаму навуковаму адгалінаванню як у плане базавай распрацоўкі праблемы і яе тэарэтычнага асэнсавання, так і на ўзроўні прыватных практыка арыентаваных канцэпцый функцыянавання публіцыстычнага тэксту. Спалучэнне вынікаў папярэдніх журналісцкіх і лінгвістычных даследаванняў дазволіла вызначыць перспектыўныя напрамкі навуковага пазнання ў галіне лінгвістыкі публіцыстычнага тэксту і дыскурснага аналізу СМІ, забяспечыла далейшае развіццё агульных, прыватных і профільных навуковых уяўленняў аб журналісцкім працэсе. Галіна прымянення вынікаў: сродкі масавай інфармацыі; выдавецкія ўстановы. Вынікі НДР укараняюцца ў вучэбны працэс факультэта журналістыкі БДУ і кафедраў журналістыкі іншых ВНУ краіны; у рэдакцыйны працэс СМІ і выдавецтваў (пацвярджаецца 19 актамі).Работа мае сацыяльна-эканамічны эфект у галіне мовазнаўства і журналістыкі, дазваляе распрацаваць стратэгіі матывацыі інфармацыйнага забеспячэння, мадэлі стратэгічнага канструіравання лексічнай ацэнкі публіцыстычных тэкстаў і праектавання журналісцкай думкі на маўленчую рэчаіснасць, укаранення яе ў практыку маўленчага кантактавання, вывесці рэкамендацыі па ўдасканаленні стылістыкі газетных выступленняў, радыё- і тэлеперадач. Патрабуецца далейшае даследаванне функцыянавання медыятэксту ў сучасных умовах інфармацыйнага грамадства.