Рэц. на кн.: Галуза І. Язэп Драздовіч. Моўная і этнаграфічная спадчына: архіўныя матэрыялы. Мінск : Бел. навука, 2022. 677 с.

Abstract

Вынікам гэтай найскладанейшай работы стаў надзвычай цікавы ў лінгвістычных адносінах дакумент, які да таго ж яскрава адлюстроўвае беларускую гісторыю вельмі важнага перыяду сумежжа ХІХ–ХХ стст. Кніга І. Галузы «Язэп Драздовіч. Моўная і этнаграфічная спадчына: архіўныя матрыялы» – гэта ўдалая спроба вярнуць да жыцця тыя факты і даныя, што цэлае стагоддзе былі схаванымі ў архівах, а зараз, пасля адпаведнай апрацоўкі і сістэматызацыі, могуць прэтэндаваць на статус своеасаблівага пісьмовага помніка. Матэрыялы падобнага зместу з’яўляюцца вельмі запатрабаванымі ў лінгвістыцы. Можна не сумнявацца, што публікацыя, якая робіць важкі ўнёсак у дыялекталогію, лексікалогію, лексікаграфію, тэрмінаграфію, этнаграфію, у вывучэнне гісторыі нацыянальнай навукі, знойдзе прыхільнікаў сярод спецыялістаў як у нашай краіне, так і ўвогуле ў славістычнай супольнасці.