Дзейнасць Сержыу Віейра дэ Мэлу (1948–2003 гг.) у гуманітарных місіях ААН у Камбоджы (1991–1993 гг.) і Югаславіі (1993 г.)

Abstract

У дадзеным артыкуле на падставе дакументаў ААН і публіцыстычных крыніц, прысвечаных бразільскаму дыпламату і лаўрэату Прэміі ААН у галіне правоў чалавека Сержыу Віейра дэ Мэлу, разглядаецца яго дзейнасць у гуманітарных місіях ААН у Камбоджы і Босніі, якія былі аднымі з першых у яго дыпламатычнай кар’еры. Аўтар мае мэту падкрэсліць уклад Сержыу Віейра дэ Мэлу у дзейнасць ААН непасрэдна на “палях”, а таксама складанасць і неадназначнасць рашэнняў, якія ён мусіў прымаць падчас яе. У працы над артыкулам выкарыстоўваюцца антрапалагічны падыход і бібліяграфічны метад. Тэма ўпершыню разглядаецца ў беларускай гістарыяграфіі. Яе актуальнасць абумоўлена інтэнсіфікацыяй беларуска-бразільскіх двухбаковых адносін. Матэрыялы артыкула могуць быць карыснымі ў даследчыцкай і педагагічнай працы