Фантастыка праз дэфініцыі літаратуразнаўчых паняццяў (на матэрыяле прац В. П. Рагойшы)

Abstract

Разглядаюцца дэфініцыі асобных літаратуразнаўчых паняццяў, прыведзеных у даведачных і вучэбных выданнях, падрыхтаваных прафесарам В. П. Рагойшам, і іх прымяненне пры даследаванні беларусай фантастычнай літаратуры на беларускай мове. Асаблівая ўвага надаецца разгляду наступных дэфініцый: «навуковая фантастыка», «утопія», «антыўтопія» і разгляду месца твораў адзначаных жанраў у айчынным літаратурным працэсе апошняга часу. Звяртаецца ўвага на стаўленне да мастацкасці фантастычных твораў на пачатку ХХ стагоддзя, калі толькі з’явіліся паняцці «навуковая фантастыка» і «science fiction», і ў наш час. Закранаюцца пытанні выкарыстання сучаснымі беларускімі фантастамі разнастайных наратыўных тэхнік і прыёмаў вядзення аповеду. Падкрэсліваецца важнасць выдання пашыраных і дапоўненых літаратурных слоўнікаў і энцыклапедый у сувязі з актыўным засваеннем айчыннымі пісьменнікамі пачатку ХХІ ст. новых сродкаў мастацкай выразнасці