Рэц. на кн.: Гуль М. У. Іншамоўная лексіка ў працэсе станаўлення і развіцця беларускай тэрміналогіі (на матэрыяле тэрмінасістэм філалогіі, філасофіі і сацыялогіі) : манаграфія / М. У. Гуль ; М-ва адукацыі Рэсп. Беларусь, Брэсц. дзярж. ун-т імя А. С. Пушкіна. Брэст : БрДУ, 2021. 220 с.

Abstract

Аглядна-апісальны характар даследаванняў беларускай тэрміналогіі ўжо даўно саступіў месца дэталёваму аналізу розных аспектаў паходжання, утварэння і функцыянавання адзінак спецыяльнай лексікі. Адна з такіх прац – манаграфія М. У. Гуль, прысвечаная вывучэнню месца і ролі лексікі іншамоўнага паходжання ў станаўленні беларускай тэрміналогіі філасофіі, сацыялогіі і філалогіі. Асноўны змест прадстаўлены ў чатырох главах. У главе 1 «Беларуская нацыянальная тэрміналогія як аб’ект навуковага даследавання» разглядаюцца розныя падыходы да вызначэння сутнасці паняццяў «тэрмін» і «тэрміналогія». У асобных раздзелах прасочваецца гістарычны шлях фарміравання тэрміналогіі філасофіі і сацыялогіі ў працэссе развіцця філасофскай думкі розных краін у розныя эпохі, а таксама складванне філалагічнай тэрміналогіі ў мовазнаўчых даследаваннях і літаратурнай традыцыі. Асобная ўвага скіравана на сферы функцыянавання і фіксацыі, а таксама сучасны стан вывучэння названых тэрмінасістэм. У раскрыцці гэтых аспектаў аўтару манаграфіі дапамагло абагульненне багатага вопыту даследаванняў папярэднікаў.