Духоўна-мастацкая кардыяграма чалавека міленіўмнай эпохі ў аповесцях І. Шамякіна

Abstract

У артыкуле паказана, што ў мастацка-эпічнай манеры выдатнага беларускага пісьменніка Івана Шамякіна апошніх дваццаці гадоў творчасці выразна назіраецца жаданне паглыбіцца ў хаатычную прастору сучаснай яму крызіснай рэчаіснасці. Адзначана, што тэматыка і праблематыка творчасці пісьменніка ўтрымлівалася на шырокім дыяпазоне анталагічных, эстэтыка-культурных, палітычна-эканамічных і духоўна-маральных антыномій – жыцця і смерці, прыгожага і пачварнага, узвышанага і нізкага, дабра і зла, свету і цемры, радасці і суму, якія ў сваю чаргу былі аб’яднаны больш агульнай антынамічнай анталагічнай парай – хаос-космас. Пісьменнік-мараліст І. Шамякін ускладвае вялікія надзеі і спадзяванні на тое, што менавіта сям’я і хрысціянскія маральныя каштоўнасці ў гэты крызісны момант з’яўляюцца важнымі фарпостамі абароны адвечных этычных норм і чалавечных правіл паводзін