Лексіка-семантычны, структурна-граматычны і камунікатыўны аспекты даследавання сучаснай беларускай мовы : справаздача аб навукова-даследчай рабоце (заключная) / БДУ ; навуковы кіраўнік Т. Р. Рамза

Abstract

Аб’ект даследавання – сучасная беларуская літаратурная мова ў яе вуснай і пісьмовай формаах функцыянавання, тыпалагічных і генетычных сувязях з іншымі блізкароднаснымі мовамі (у першую чаргу з рускай мовай). Мэты навуковай працы – выяўленне, аналіз і сістэматызацыя найбольш значных, сістэмаўтваральных катэгарыяльных парадыгмаў сучаснай беларускай літаратурнай мовы і іх узаемадзеянне ў аспекце нацыянальна-спецыфічнага і ўніверсальнага. Асноўнымі метадамі даследавання з’яўляюцца апісальны, сістэмна-функцыянальны, супастаўляльны. У выніку даследавання былі выяўлены фанетычныя, лексіка-фразеалагічныя, дэрывацыйныя, граматычныя, функцыянальна-стылістычныя асаблівасці рознаўзроўневых моўных адзінак, тэарэтыка-граматычныя асновы тэксту і яго камунікатыўныя якасці, паглыблена ўяўленне пра беларускамоўную сістэму з пункту гледжання нацыянальна-спецыфічнага і ўніверсальнага. Вынікі даследавання ўкаранёныя ў вучэбны працэс устаноў вышэйшай адукацыі (спецкурсы, асноўныя курсы, спецсемінары, вучэбна-метадычныя комплексы) і агульных адукацыйных школ, гімназій, ліцэяў. Яны ляглі ў аснову створаных на кафедры вучэбна-метадычных комплексаў і вучэбных дапаможнікаў, выдадзеных у тым ліку і з грыфам Міністэрства адукацыі Рэспублікі Беларусь.