Развіццё прававой навукі ў БДУ

Abstract

Вытокі беларускай юрыдычнай навукі знаходзяцца ў далёкай старажытнасці. У ХVI ст. шэраг знакамітых юрыстаў (Францыск Скарына, Міхалон Літвін, Сымон Будны, Андрэй Волан, Мікалай Радзівіл Чорны, Астафій Валовіч, Леў Сапега і інш.) даследавалі праблемы дзяржавы і права, выносілі прапановы па іх удасканаленню. Сапраўднай рэвалюцыяй у праватворчасці была падрыхтоўка нашымі землякамі і выданне ў Вялікім Княстве Літоўскім статутаў 1529, 1566, 1588 гг. – першых у Еўропе такога ўзроўню зводаў законаў, заснаваных на мясцовым звычаёвым праве, традыцыях народа і напісаных на старажытнай беларускай мове. Менавіта гэта мела важнае значэнне, бо на той час большасць еўрапейскіх дзяржаў карысталася рымскім правам і лацінскай мовай.