Да XVII Міжнароднага з’езда славістаў (г. Парыж, Францыя, 2023)

Abstract

27–28 жніўня 2020 прайшло анлайн-пасяджэнне Міжнароднага камітэта славістаў, на якім разглядаліся пытанні падрыхтоўкі да XVII Міжнароднага з’езда славістаў, што адбудзецца ў 2023 г. у Парыжы (Францыя). На пасяджэнні абмеркавана і зацверджана тэматыка з’езда, вызначаны формы яго работы, квоты ўдзелу ў з’ездзе для нацыянальных дэлегацый, тэрміны падачы заявак і інш. Традыцыйна работа з’езда пройдзе ў форме секцыйных пасяджэнняў, тэматычных блокаў, круглых сталоў і прэзентацый. Будзе арганізавана кніжная выстаўка славістычнай літаратуры, апублікаванай за папярэднія пяць гадоў. Таксама адбудуцца рабочыя пасяджэнні камісій, акрэдытаваных пры Міжнародным камітэце славістаў, і пленум Міжнароднага камітэта славістаў.