Сінестэзія як лінгвастылістычны прыём у апавяданнях К. Мэнсфілд

Abstract

У артыкуле разглядаецца сінестэзія як міждысцыплінарны феномен. У прыватнасці, робіцца агляд даследаванняў, у якіх гэтая з’ява вывучаецца ў лінгвістычным кірунку (у тым ліку як лінгвастылістычны прыём). У адрозненне ад большасці даследаванняў, якія факусіруюцца на гукасімвалізме і гука-каляровай сувязі, у гэтым артыкуле на матэрыяле апавядання Кэтрын Мэнсфілд «The Garden Party» разглядаюцца некаторыя семантычныя катэгорыі (назвы колераў, словы, звязаныя з намінацыяй сэнсарных адчуванняў, лексічныя сродкі выражэння псіхічнай дзейнасці), адмысловае збыткоўнае выкарыстанне якіх спрыяе дасягненню эфекту сінестэзіі ў мастацкім творы. Творы Кэтрын Мэнсфілд (як і творы іншых прадстаўнікоў так званага «літаратурнага імпрэсіянізму») уяўляюць сабой перспектыўны матэрыял для далейшых лінгвастылістычных і псіхалінгвістычных даследаванняў