Важная веха ў развіцці беларускага права (да 10‐годдзя прыняцця канцэпцыі ўдасканалення заканадаўства Рэспублікі Беларусь)

Abstract

Развіццё крыніц права – працэс шматгранны, ён уключае самыя розныя змены ў іх сістэме. У кожнай прававой сістэме існуюць свае адметныя фактары, якія аказваюць істотны ўплыў на змены ў сістэме яе крыніц. З іх дзеяннем звязваюцца важныя вехі ў развіцці права, змены ў прававой сістэме і сістэме крыніц права. Да фактараў, якія істотна паўплывалі на фарміраванне і развіццё беларускага права і аказалі моцны ўплыў на развіццё яго крыніц права, адносіцца Канцэпцыя ўдасканалення заканадаўства Рэспублікі Беларусь, якая была зацверджана ўказам Прэзідэнта краіны дзесяць гадоў таму, але і сёння працягвае аказваць уплыў на прававую сістэму грамадства. Больш таго, канцэпцыя ўдасканалення заканадаўства Рэспублікі Беларусь выкарыстоўваецца ў якасці ўзора пры развіцці прававых сістэм дзяржаў СНД. Праводзіцца аналіз прававой прыроды дзеючага прававога дакумента, асаблівасцяў яго будовы і прычын, якія абумовілі яго доўгае існаванне ў прававой сістэме грамадства