Нацыянальныя рухі ў Цэнтральнай і Усходняй Еўропе (ХІХ – пачатак XX ст.). № УД-7929/вуч.

Abstract

XIX стагоддзе стала тым перыядам у гісторыі еўрапейскага кантынента калі адбыліся якасныя цывілізацыйныя змены, мадэрнізацыйныя працэсы. Адной з праяў гэтых змен стаў выхад на гістарычную арэну нацыянальных рухаў, фарміраванне нацыянальных супольнасцей, узнікненне якіх стала бадай што адной з самых значных з’яў характэрных для грамадска-палітычнага жыцця Еўропы ў XIX-м стагоддзі. Можна казаць, што ў перыяд т.зв. “доўгага XIX-га стагоддзя” Еўропа даволі хутка эвалюцыянуе ад Еўропы імперый у Еўропу нацый. Прычыны такіх гістарычных метамарфоз, шляхі, асаблівасці перамен, якія прадвызначылі ў значнай ступені і тую палітычную карту Еўропы, якая існуе сёння, і будуць разгледжаны у рамках вывучэння дысцыпліны. Праграма дысцыпліны складзена з улікам сучасных педагагічных тэхналогій, скіравана на фарміраванне у студэнтаў кампетэнтнасных характарыстык, на фармаванне навыкаў даследчай працы гісторыка. Галоўнай мэтай спецкурса з’яўляецца вывучэнне працэса складвання нацый і нацыянальных рухаў у рэгіёне Усходняй Еўропы ў XIX – пачатку XX ст.