Адносіны БНР з Германіяй у 1918 г.

Abstract

Тэма БНР у сучаснай беларускай гістарыяграфіі паступова займае сваё належнае месца, у той час калі ў савецкай гістарыяграфіі яна была забаронена, ці амаль цалкам разглядалася з ненавуковых пазіцый. Савецкія аўтары падыходзілі да даследванняў з ідэалагічнай прадузятасцю, спасылаліся на адны і тыя ж крыніцы, часта падкрэсліваючы толькі асобныя, «патрэбныя» радкі дакументаў. Галоўнай «віной» і нават здрадніцтвам БНР інтарэсам працоўных мас лічылася арыентацыя на Германію. БНР называлі “марыянетачнай дзяржавай”, створанай па нямецкаму праекту. Але сёння выясняецца, што сітуацыя складалася наадварот: у нямецкай палітыцы Беларусь займала маргінальнае месца і афіцыйны Берлін не вельмі жадаў мець справы з беларускім нацыянальным рухам. Таму тэма гэтай працы, безумоўна, вартая даследавання і ўяўляе навуковы інтарэс.