Міжнацыянальныя адносіны на беларускіх і славацкіх землях у гады Другой сусветнай вайны : справаздача аб навукова-даследчай рабоце (заключная) / БДУ ; навуковы кіраўнік Л. А. Козік

Abstract

Актуальнасць тэмы НІР заключаецца ў працэсах, якія праходзяць у галіне міжнацыянальных адносін, паказваючы іх вастрыню і высокі ўзровень канфліктнасці. Паспяховае рашэнне гэтай важнай праблемы залежыць ад ўстанаўлення прычынна-следчай сувязі фарміравання гэтых адносін, а таксама ад вывучэння і рэальнага адлюстравання існуючай сітуацыі, што склалася ў вызначаным рэгіёне. Міжнацыянальныя адносіны функцыянуюць як адзіная сістэма, ланцуг узаемасувязяў, як адзін з элементаў грамадскіх адносін, што прадстаўляюцца ў форме сінтэзу палітычных, сацыяльна-эканамічных, культурных, моўных і іншых адносін. Мэта праекта: вызначыць асаблівасці міжнацыянальных адносін на беларускіх і славацкіх землях у гады Другой сусветнай вайны. Аб’ектам даследавання з’яўляецца гісторыя Беларусі і Славакіі падчас Другой сусветнай вайны. Прадмет работы: міжнацыянальныя адносіны на беларускіх і славацкіх землях. Пры правядзенні даследавання былі выкарыстаны як агульнанавуковыя метады (аналіз, сінтэз, абагульненне, дэдукцыя і індукцыя), так і спецыяльна-гістарычныя: гісторыка-параўнаўчы, гісторыка-генетычны і праблемна-храналагічны. У выніку тэарэтычная і практычная значнасць працы вызначаецца магчымасцю выкарыстання вынікаў яе матэрыялаў для далейшай распрацоўкі асобных сюжэтаў па гісторыі Беларусі і Славакіі. Атрыманы факталагічны матэрыял можа быць выкарыстаны ў вучэбным працэсе устаноў вышэйшай адукацыі пры падрыхтоўцы і чытанні курсаў па гісторыі Беларусі і гісторыі паўднёвых і заходніх славян, спецкурсаў па гісторыі міжнацыянальных адносін, а таксама спецкурса па гісторыі Славакіі. Вынікі работы могуць быць выкарыстаны ў выкладанні курсаў па гісторыі Беларусі, Славакіі, паўднёвых і заходніх славян, тэорыі нацый і нацыяналізму, у дзейнасці дзяржаўных органаў, якія займаюцца пытаннямі міжнацыянальных адносін.