Мадэрнізацыйныя працэсы ў Беларусі. № УД-7135/вуч.

Abstract

Імклівыя працэсы глабалізацыі актуалізуюць пытанне аб магчымасці выбару ўласнай мадэлі развіцця. Сучасныя формы эканамічнага, сацыяльнага і культурнага развіцця грамадства абапіраюцца на традыцыі, маральныя абавязкі, гістарычна сфарміраванае паняцце аб справядлівасці. Трансфармацыйныя працэсы па-рознаму ўздзейнічаюць на чалавека ў залежнасці ад узросту, полу, узроўню адукацыі і культуры, прыналежнасці да пэўнай сацыяльнай групы. У выніку прысутнічае множнасць мадэрнізацый, якая спараджае значную колькасць камбінацый, фарміруе сінергетычны эфект ці стварае новыя супярэчнасці. Мэтай вучэбнай дысцыпліны «Мадэрнізацыйныя працэсы ў Беларусі» з’яўляецца вывучэнне сутнасці мадэрнізацыйных працэсаў і спецыфікі іх разгортвання на тэрыторыі Беларусі ў ХІХ–ХХI ст.