Канцэпт ‘шчасце’ ў беларускай мове: паняційная база і вобразны змест

Abstract

Аб’ект даследавання – канцэпт ‘шчасце’ ў моўнай карціне свету беларусаў. Мэта – вывучыць і апісаць паняційную базу (інфармацыйны змест) канцэпту ‘шчасце’ ў беларускай мове; акрэсліць пачуццёва-эмпірычную базу (вобразны кампанент) беларускага канцэпту ‘шчасце’: карыстаючыся данымі славянскага асацыятыўнага слоўніка і вынікамі ўласнага свабоднага асацыятыўнага эксперымента апісаць асацыятыўнае поле канцэпту ‘шчасце’ і вызначыць яго нацыянальна-культурную спецыфіку. Рэканструкцыя і комплексны семантычна-лінгвакультуралагічны аналіз канцэпту ‘шчасце’ ў моўнай карціне свету беларусаў праводзіцца ўпершыню. Вынікі даследавання могуць быць выкарыстаны філолагамі пры далейшай распрацоўцы праблем і пытанняў лінгвакультуралогіі і кагнітыўнай лінгвістыкі, пры падрыхтоўцы спецкурсаў для студэнтаў устаноў вышэйшай адукацыі, у практыцы выкладання беларускай мовы іншаземцам.