Адлюстраванне светапогляду мадэрнізму ў тэлеперадачах аб падарожжах 60–70-х гг. ХХ ст.

Abstract

Эпоха мадэрнізму – перыяд развіцця грамадства, звязаны, у прыватнасці, з прызнаннем пераможнай ролі навукі і тэхнікі, моцы чалавечай асобы. Філосафы (В. Сцёпін) адзначаюць, што ён працягваецца і сёння, але свайго апагею дасягнуў у 60–70-ыя гады ХХ ст. Мэта даследвання – паказаць асноўныя канцэптуальныя ідэі эпохі мадэрнізму, што былі ўвасобленыя ў хранікальна-дакументальных фільмах Беларускага тэлебачання і ў цыклавой перадачы «Вецер вандраванняў» азначанага перыяду. Матэрыял, прадстаўлены ў артыкуле, уводзіца ў навуковы зварот упершыню. З дапамогай метадалогіі кагнітыўнай лінгвістыкі (Варонежская школа) аўтар прасочвае, як змест канцэптаў светапогляду мяняўся з цягам часу, набываючы рысы, перспектыўныя для развіцця грамадства сёння. У прыватнасці, даследчык вызначае, як у межах цыклавых перадач зарадзіліся актуальныя сёння ідэі сінкрэтызму, каэвалюцыі, экалагічная праблематыка.