Сучасная беларуская мова ў аспекце інавацыйных тэхналогій. У межах задання 4.1.07 «Слоўнікавы склад і граматычны лад сучаснай беларускай мовы ў аспекце інавацыйных тэхналогій і новых метадалагічных падыходаў» : справаздача аб навукова-даследчай рабоце (заключная) / БДУ ; навуковы кіраўнік З. І. Бадзевіч

Abstract

Мэтай праведзеных навуковых даследаванняў з‘явілася стварэнне, ў адпаведнасці з новай тыпавой праграмай для 4-х гадоў навучання, мультымедыйнага вучэбнага дапаможніка для ўстаноў вышэйшай адукацыі па вучэбнай дысцыпліне «Сучасная беларуская мова». Аб‘ект даследавання - сучасная беларуская літаратурная мова ў яе вуснай і пісьмовай формах функцыянавання, яе тыпалагічная і генетычная сувязі з іншымі блізкароднаснымі мовамі. Асноўнымі метадамі даследавання з‘яўляюцца сістэмна-функцыянальны, апісальны, структурна-семантычны. У працэсе НДР былі выкарыстаны фонды Нацыянальнай бібліятэкі Беларусі, мастацкія тэксты пісьменнікаў, новая навуковая і метадычная літаратура, рэсурсы сеткі Internet. У выніку даследавання ўстаноўлена, што мультымедыйныя вучэбныя дапаможнікі з‘яўляюцца новым відам сродкаў навучання. Яны прызначаюцца для працэсу адукацыі і самаадукацыі на базе актуальных дасягненняў мультымедыйнай тэхнікі і лінгвадыдактычнай навукі. Інфармацыйна-камп‘ютарныя тэхналогіі дапамагаюць інтэнсіфікавацыі ўсіх узроўняў вучэбна-выхаваўчага працэсу, забяспечваюць павышэнне эфектыўнасці і якасці навучання, актывізуюць паглыбленне міждысцыплінарных сувязей, садзейнічаюць індывідуалізацыі працэсу навучання пры захаванні яго сістэмнасці за кошт выкарыстання сучасных сродкаў апрацоўкі інфармацыі. Вынік працы - створаны мультымедыйны вучэбны дапаможнік па дысцыпліне «Сучасная беларуская мова», вучэбна-метадычны комплекс, выданне шэрагу вучэбных дапаможнікаў і лексікаграфічных даведнікаў. Матэрыялы даследавання ляглі ў аснову створанай новай тыпавой вучэбнай праграмы і адукацыйных стандартаў Рэспублікі Беларусь.