Сацыяльна-культурныя аспекты дзейнасці Ленінскага камуністычнага саюза моладзі Беларусі ў 1944 – сярэдзіне 1950-х гг.

Abstract

У беларускай гістарыяграфіі была падрабязна разгледжана дзейнасць Ленінскага камуністычнага саюза моладзі Беларусі па аднаўленні і развіцці народнай гаспадаркі БССР пасля Вялікай Айчыннай вайны. Удзел ЛКСМБ у культурным будаўніцтве ў краіне не знайшоў падрабязнага адлюстравання на старонках прац гісторыкаў. Мэтай дадзенага даследавання з’яўляецца аналіз удзелу ЛКСМБ у культурных пераўтварэннях на тэрыторыі рэспублікі ў першае пасляваеннае дзесяцігоддзе. Выразна паказаныя задачы, пастаўленыя перад камсамолам рэспублікі ў акрэслены перыяд, сярод якіх былі: прапагандысцкая дзейнасць, неабходнасць ліквідавання непісьменнасці і малапісьменнасці насельніцтва і пашырэння сеткі навучальных устаноў; памяншэнне ўплыву каталіцкай царквы на насельніцтва заходніх абласцей і інш. Пастаўленыя задачы былі паспяхова выкананыя арганізацыяй у акрэслены перыяд. Вывучэнне дадзенай тэмы спрыяе сістэматызацыі дзейнасці камсамольскіх арганізацый у першае пасляваеннае дзесяцігоддзе.