Роля жанчын у захаванні каталіцкай ідэнтычнасці насельніцтва беларускіх губерняў у другой палове ХІХ – пачатку ХХ ст.

Abstract

У артыкуле аналізуецца роля жанчын у падтрыманні і захаванні рэлігійнай ідэнтычнасці ў беларускіх губернях у другой палове ХІХ – пачатку ХХ ст. У дадзены перыяд расійскія ўлады праводзілі мерапрыемствы па пераводзе часткі насельніцтва з каталіцызму ў праваслаўе. Нярэдка гэта выклікала супраціўленне з боку тых, на каго была накіравана падобная дзейнасць. Аўтар паказвае, што жанчыны адыгравалі важную ролю ў захаванні каталіцкай рэлігійнасці – яны маглі самастойна адстойваць уласную рэлігійную ідэнтычнасць, а таксама ўплываць на мужчын у сваім атачэнні, перш за ўсё, мужоў і сыноў.