Станаўленне мастацкай традыцыі ў шматмоўнай літаратуры Беларусі XI — XIX стст. : справаздача па навукова-даследчай працы (заключная) / БДУ ; навуковы кіраўнік Т. П. Казакова

Abstract

Аб’ектам даследавання з’яўлялася вывучэнне станаўлення мастацкай традыцыі ў шматмоўнай літаратуры Беларусі ХІ — ХІХ стст. (творчая спадчына Кірыла Тураўскага, Рыгора Цамблака, Францыска Скарыны, Яна Вісліцкага, Яна Радвана, Пятра Равізія, Уладзіслава Сыракомлі, Вайніслава Савіча-Заблоцкага, Габрыэлі Пузыні, Адама Міцкевіча, Францішка Багушэвіча, Казіміра Сваяка і інш.). Мэты праведзенай НДР: цэласны аналіз мастацкай традыцыі ў полілінгвістычнай літаратуры Беларусі ХІ — ХІХ стст., увядзенне ў навуковы ўжытак невядомых твораў ХІ—ХІХ стст. У працэсе работы выкарыстоўваліся прыборы: камп’ютар і прынтар. Метадалагічная аснова даследавання: гісторыка-культурны, тыпалагічны і параўнальны метады літаратуразнаўства. Вынікі НДР: даследаванне літаратурнага працэсу на Беларусі, якое дазволіла высветліць узаемаўплывы і ўзаемазапазычанні, па-новаму асэнсаваць літаратурны працэс мінулых стагоддзяў, паказаць станаўленне мастацкай традыцыі на працягу ХІ — ХІХ стст.; манаграфіі, навучальныя дапаможнікі, навуковыя зборнікі і артыкулы. Па тэме даследавання апублікавана 239 навуковых і навукова-метадычных работ агульным аб’ёмам 285 друкаваных аркушаў. Кафедрай былі праведзены: Міжнародная навукова-практычная канферэнцыя “Роль просветителей в Беларуси и Турции” (2011 г.), Міжнародная навуковая канферэнцыя “Славянскія літаратуры ў кантэксце сусветнай: да 900-годдзя Кірыла Тураўскага і 200-годдзя Тараса Шаўчэнкі” (2013 г.), Міжнародныя навуковыя чытанні “Старонкі гераічнай гісторыі ў помніках старажытнай літаратуры Беларусі XVI ст.” (2014 г.), Навуковыя чытанні “Рэцэпцыя творчай спадчыны Уладзіслава Сыракомлі і Паўла Шпілеўскага (да 190-годдзя з дня нараджэння пісьменнікаў)” (2014 г.), Навуковыя чытанні, прысвечаныя Алегу Лойку і Генадзю Кісялёву (2011, 2012, 2013, 2014, 2015 гг.). На працягу пяці гадоў былі абаронены адна доктарская дысертацыя, тэматыка якой была звязана з навукова-даследчай працай, падрыхтаваны агульныя лекцыйныя курсы і спецкурсы па гісторыі беларускай літаратуры Х І— ХІХ стст. Матэрыялы даследавання выкарыстоўваліся ў лекцыйных курсах “Гісторыя беларускай літаратуры ХІ — XV стст.”, “Гісторыя беларускай літаратуры ХVI—XVII стст”, "Гісторыя беларускай літаратуры ХVIII—першай паловы XIXстст.”, якія чытаюцца на філалагічным факультэце.