Тэхналогія і арганізацыя дакументацыйнага забеспячэння кіравання. № ВД – 5722/вуч.

Abstract

Мэта вучэбнай дысцыпліны – набыццё студэнтамі неабходнага для паспяховай прафесійнай дзейнасці аб’ёму тэарэтычных ведаў у сферы дакументацыйнага забеспячэння кіравання, а таксама засваенне практычных прыёмаў і тэхналогій працы з дакументамі ў арганізацыях, установах і на прадпрыемствах. Задачы дысцыпліны: - вывучэнне тэорыі і практыкі арганізацыі дакументацыйнага забеспячэння кіравання на аснове рацыянальных, навукова-абгрунтаваных прынцыпаў і метадаў яго пабудовы і удасканалення; - вывучэнне заканамернасцяў і асаблівасцяў развіцця дакументацыйнага забеспячэння кіравання ва ўмовах развіцця сучаснага аппарату кіравання; - фарміраванне прагрэсіўнага падыходу да вырашэння найбольш важных задач дакументавання ўсіх бакоў кіраўніцкай дзейнасці; - засваенне практычных навыкаў планавання, арганізацыйнага праектавання і рацыяналізацыі працы службаў ДЗК. Дысцыпліна “Тэхналогія і арганізацыя дакументацыйнага забеспячэння кіравання” уваходзіць у цыкл спецыяльных дысцыплін (дзяржаўны кампанент). Дысцыпліна мае прадметныя сувязі з шэрагам дысцыплін, такіх як “Дакументазнаўства”, “Мэнеджмент”, “Інфармацыйнае забеспячэнне кіравання”, “Архівазнаўства” і іншыя. Паспяховае засваенне матэрыялу праграмы засноўваецца як на ведах, атрыманых пры вывучэнні згаданых курсаў, так і дысцыплін сацыяльна-гуманітарнага цыклу.