Спецыяльныя сістэмы справаводнай дакументацыі дзяржаўных устаноў беларускіх губерняў канца XVIII – пачатку XX ст. № 4555 /вуч.

Abstract

Дысцыпліна па выбары магістрантаў «Спецыяльныя сістэмы справаводнай дакументацыі дзяржаўных устаноў беларускіх губерняў канца XVIII – пачатку XX ст.» прызначана для магістрантаў, якія навучаюцца па спецыяльнасці 1-26 80 02 Дакументалістыка, дакументазнаўства і архівазнаўства, адносіцца да цыклу дысцыплін спецыяльнай падрыхтоўкі (кампанент установы вышэйшай адукацыі). Мэтай дысцыпліны з’яўляецца фарміраванне ведаў аб дакументальным складзе спецыяльных сістэм справаводнай дакументацыі ўстаноў Расійскай імперыі. Задачамі дысцыпліны з’яўляюцца: паглыбіць веды пра этапы развіцця сістэм дакументацыі; азнаёміць з этапамі фарміравання асноўных падыходаў да класіфікацыі справаводнай дакументацыі; даць уяўленне пра інфармацыйны патэнцыял матэрыялаў справаводства ўстаноў канца XVIII – пачатку XX ст.; азнаёміць са спецыфікай складу спецыяльных сістэм дакументацыі ва ўстановах беларускіх губерняў; даць уяўленне пра месца спецыяльных сістэм справаводнай дакументацыі ў гуманітарных даследаваннях; падрыхтаваць да вядзення тэарэтычных і практычных навуковых даследаванняў у сферы дакументазнаўства, архівазнаўства і архіўнай справы. Вучэбная дысцыпліна па выбары магістрантаў «Спецыяльныя сістэмы справаводнай дакументацыі дзяржаўных устаноў беларускіх губерняў канца XVIII – пачатку XX ст.» базуецца на ведах, атрыманых у выніку засваення дысцыплін «Крыніцазнаўства», «Архівазнаўства» і «Дакументазнаўства», спрыяе падрыхтоўцы кваліфікаванага спецыяліста ў сферы архіўнай справы, засваенню дысцыплін «Сучасныя праблемы дакументазнаўства і архівазнаўства» і інш.