Архівазнаўства. № ВД-4528 /вуч.

Abstract

Вучэбная дысцыпліна «Архівазнаўства» прызначана для студэнтаў, якія навучаюцца па спецыяльнасці 1-23 01 13 Гісторыка-архівазнаўства, адносіцца да цыклу спецыяльных дысцыплін (дзяржаўны кампанент). Мэтай дысцыпліны з’яўляецца фарміраванне ведаў аб станаўленні архіўнай справы на беларускіх землях, эвалюцыі і сучасным стане тэорыі архівазнаўства, методыкі работы з рэтраспектыўнай дакументнай інфармацыяй, што дазволіць працаваць у архіўнай сістэме і арганізоўваць дзейнасць архіўных устаноў розных формаў уласнасці. Задачамі дысцыпліны з’яўляюцца: выпрацаваць уяўленне аб этапах развіцця архіўнай справы на беларускіх землях і сучаснай сістэмы дзяржаўных архіўных устаноў; навучыць арганізоўваць практычную работу па камплектаванні, экспертызе каштоўнасці, навукова-тэхнічнай апрацоўцы і забеспячэнню захаванасці архіўных дакументаў, выкарыстанні рэтраспектыўнай дакументнай інфармацыі на карысць грамадзян, грамадства і дзяржавы; даць уяўленне аб арганізацыйнай структуры і кіраванні архіўнымі ўстановамі; падрыхтаваць студэнтаў да вядзення тэарэтычных і практычных навуковых даследаванняў у сферы архівазнаўства і архіўнай справы. Вучэбная дысцыпліна «Архівазнаўства» базуецца на ведах, атрыманых у выніку засваення дысцыпліны «Гісторыя Беларусі», спрыяе падрыхтоўцы кваліфікаванага спецыяліста ў сферы архіўнай справы, засваенню дысцыплін «Гісторыя дзяржаўных устаноў», «Археаграфія», «Канфесіянальныя архівы» і інш.