Эстэтыка слова

Abstract

Прадугледжаны праграмай універсітэцкай падрыхтоўкі журналістаў курса «Стылістыка», які чытаецца на 3-м курсе, дае студэнтам агульнае ўяўленне аб стылістычных рэсурсах роднай мовы і асаблівасцях яе выкарыстання ў розных моўных сітуацыях, пераважна ў сродках масавай камунікацыі. Пытанні эстэтыкі слова і мастацкай стылістыкі па прычыне абмежавання вучэбнага часу, багацця праблем і фактычнага моўнага матэрыялу ў праграме курса стылістыкі выкладаюцца толькі ў агульных рысах, між тым за апошнія гады філалагічная навука дасягнула значных поспехаў у вывучэнні праблем эстэтыкі слова, разумення спецыфікі мастацкага маўлення. У сувязі з гэтым узнікае пільная патрэба ў плане творчай падрыхтоўкі будучых супрацоўнікаў сродкаў масавай інфармацыі. Трэба надаваць гэтым пытанням больш сур'ёзную ўвагу. Спецкурс «Эстэтыка слова» прысвечаны праблемам мастацкай стылістыкі. Ён закліканы садзейнічаць павышэнню агульнатэарэтычнага і эстэтычнага ўзроўню будучых журналістаў, выхаванню навыкаў стылістычнага аналізу твораў мастацкай літаратуры. Гэта асабліва важна для тых, хто спрабуе свае сілы ў галіне літаратурнай крытыкі і рэцэнзавання літаратурна-мастацкіх твораў.