Яшчэ адзін міф: аналіз цыклу вершаў пра Крука Тэда Х'юза

Abstract

Літаратура XX стагоддзя ў большай сваёй частцы міфалагічная. У аснове любога сучаснага міфу ляжаць здабыткі міфалагічнага мыслення першабытнытнага чалавека. Тэд Х’юз тут не выключэнне. Дыпламаваны спецыяліст па археалогіі і антрапалогіі, ён не мог не згадаць пра існаванне міфаў паўночна-ўсходніх палеаазіатаў і паўночна-заходніх індзейцаў, якія цыклізаваныя вакол постаці Крука, адначасова культурнага героя і трыкстэра. Крук Тэда Х’юза амаль нічым не адрозніваецца ад свайго першабытнага прататыпу. Але міф, які стварае паэт, мае сутнасную адрознасць. У ягоных тэкстах Крук не самотны персанаж ці патрыярх вялікай сям’і, а складнік апазіцыі, на другім баку якой Бог-дэміург, Бог, які стварае Крука.