Сацыяльныя канфлікты ў гісторыі Беларусі. № УД-5043/вуч.

Abstract

Канфлікты з’яўляюцца неад'емнай часткай грамадскага жыцця і ўяўляюць сабой ўсвядомленае сутыкненне супрацьлегла скіраваных патрэбаў, інтарэсаў, жаданняў двух або некалькіх сацыяльных суб’ектаў (індывідаў, груп, супольнасцей, дзяржаў і інш.). Нягледзячы на той факт, што сацыяльныя канфлікты ўвесь час суправаджаюць людзей у іх паўсядзённым жыцці, звычайна гэтая з’ява ўспрымаецца як выключна нешта негатыўнае і варожае. Нажаль, далёка не ўсе усведамляюць, што канфлікты бываюць не толькі гвалтоўнымі, але і мірнымі. У дадатак да таго, сацыяльныя канфлікты могуць быць не толькі міжгрупавымі ці міжнацыянальнымі, але і ўнутрыгрупавымі, і нават унутрыасобаснымі. Няведанне прыроды і сутнасці сацыяльнага канфлікту ў іх гістарычнай абумоўленасці могуць прывесці да ўзнікнення ў пэўнага індывіда складанасцей з вырашэннем канфліктаў у сучаснасці. Таму з мэтай садзейнічання далейшаму прафесійнаму росту будучых выпускнікоў магістратуры спецыяльнасці «Айчынная гісторыя», пашырэнню іх поглядаў і ведаў па гісторыі Беларусі прадугледжана выкладанне на другой ступені атрымання адукацыі вучэбнай дысцыпліны «Сацыяльныя канфлікты ў гісторыі Беларусі».