Гендэрныя адносіны ў Беларусі ў новы і навейшы час. № УД-5044/вуч.

Abstract

Сацыяльныя, эканамічныя і палітычныя пераўтварэнні, якімі характарызаваўся перыяд XIX – XX стст., унеслі значныя змены ў узаемаадносіны паміж паламі ва ўсіх галінах, абумовілі павелічэнне ролі жанчын у прафесійнай і адукацыйнай сферах і, тым самым, прывялі да змянення статусу жанчыны ў грамадстве. У сучасным грамадстве назіраецца трансфармацыя сацыякультурных стэрэатыпаў маскуліннасці і феміннасці, а вывучэнне ўзаемаадносін мужчын і жанчын, адрозненні сацыяльных роляў, ідэнтычнасці выклікае актуалізацыю цікавасці і ў сферы прыватнага жыцця, і ў мастацтве, і ў навуцы. Гэтая цікавасць прывяла да ўзнікнення гендэрных даследаванняў, у межах якіх былі прапанаваны такія паняцце як «пол» і «гендэр». Сучасная навука актыўна выкарыстоўвае гендэрны падыход для аналізу сацыяльных і культурных з'яў і працэсаў, бо гендэрныя даследаванні часцей за ўсё разглядаюць ролі, нормы, каштоўнасці, правілы паводзінаў, якія грамадства «транслюе» жанчынам і мужчынам праз сістэмы сацыялізацыі, падзелу працы, культурныя каштоўнасці і сімвалы для таго, каб выбудаваць сваю іерархію. Сёння гендэрная роўнасць вызначаецца шматлікімі міжнароднымі інстытутамі як найважнейшая задача ўсёй сусветнай супольнасці, вырашэнне якой садзейнічае развіццю чалавецтва. Разуменне асноў гендэрнай тэорыі і праблем гендэрных адносін у грамадстве з’яўляецца неабходным элементам пры падрыхтоўцы сучасных спецыялістаў практычна ва ўсіх сферах гуманітарнага профіля.