Першая спроба стварэння юрыдычных клішэ (на матэрыяле беларускамоўных заканадаўчых тэкстаў 20-х гг. ХХ ст.)

Abstract

Паказаны асаблівасці стварэння і ўжывання беларускіх устойлівых юрыдычных формул у 20-я гг. ХХ ст. Выпрацоўваліся яны пераважна ў працэсе перакладу прававых актаў з рускай мовы на беларускую. Арыгінальныя моўныя мадэлі зведвалі пэўныя трансфармацыі з мэтай, з аднаго боку, спрасціць успрыманне тэксту закона для радавога карыстальніка, з другога – захаваць спецыфіку нацыянальнай мовы. Пры гэтым беларускамоўныя аналагі не страчвалі каларыт стандартызаванасці, аднак варыянтнасць клішыраваных выразаў была хоць і вытлумачальным, але істотным недахопам іх выкарыстання.