Даследванні канвекцыйнай воблачнасці і навальніц з выкарыстаннем мадэлі WRF (дыпломная работа)/БГУ, геаграфічны факультэт, кафедра агульнага землязнаўства і гідраметеэралогіі; навук. кір. П.А. Каўрыга, Мінск, 2014

Abstract

Хітрыкаў М. А. Даследванні канвекцыйнай воблачнасці і навальніц з выкарыстаннем мадэлі WRF (дыпломная работа). Мінск, 2013-2014 гг, – 89 старонак. Пасля пастаноўкі мэты і задачаў работы першым чынам былі разгледжаны тэарэтычныя матэрыялы па тэме. Быў праведзены агляд літаратурных крыніц па праблеме, была дадзена характарыстыка разглядаемым з’явам атмасферы ўвогуле і як фізічным працэсам у прыватнасці, і былі прыведзены звесткі пра лічбавае мадэляванне, сродкі візуалізацыі дадзеных і асноўны інструмент, які выкарыстоўваўся для выканання практычных заданняў – мадэль WRF. Далей увага была сканцэнтравана на рашэнні пастаўленых задачаў. Яны разглядаліся ў адпаведнасці з парадкам, пазначаным ва Ўводзінах. Для іх выканання была распрацавана асобная методыка, якая дазволіла зрабіць вынікі ўсіх чатырох разліковых заданняў рэпрэзентатыўнымі, а таксама параўнальнымі паміж сабой і са звесткамі спадарожнікавых вымярэнняў і назіраннямі прыземных метэастанцый – для задання па пошуку заканамернасцяў распаўсюджвання канвекцыйных воблакаў і навальніц па тэрыторыі Беларусі методыка распрацоўвалася асобна. Пры правядзенні лічбавых эксперыментаў былі правераны верагодныя залежнасці структуры канвекцыйных вочак ад неаднароднасцяў падсцілаючай паверхні для Беларусі і ад кліматычных паясоў. Была ажыццёўлена праверка крытэрыяў, якія выкарыстоўваюцца для выяўлення па ўскосным прыкметам навальнічных воблакаў сярод іншых канвекцыйных. Былі праведзены пошукі лепшай схемы параметрызацыі мікрафізікі для правядзення лічбавых разлікаў Cumulis і Cumulonimbus. Затым, на падставе атрыманых дадзеных, былі зроблены адпаведныя высновы, якія ў рэзюмаванай форме прадстаўлены ў Заключэнні. Неабходна адзначыць, што лепшых вынікаў пры прагназаванні надвор’я магчыма дасягнуць пры ўжыванні тых жа ўмоў, што былі пазначаны ў метадычнай частцы. Адвізуалізаваныя вынікі лічбавых разлікаў – карты і вертыкальныя разрэзы – прадстаўлены ў Дадатку да работы. Бібліяграфія, 95 назв., 25 мал., 89 стар.