Арганізацыя дыпламатычнай службы Вялікага Княства Літоўскага ў другой палове XVI стагоддзя : справаздача аб навукова-даследчай рабоце (заключная) / БДУ ; навуковы кіраўнік У. Е. Снапкоўскі

Abstract

Аб’ект даследавання — праблемы функцыянавання і арганізацыі дыпламатычнай службы Вялікага княства Літоўскага ў другой палове 16 стагоддзя Мэта работы — аналіз дыпламатычнай практыкі Вялікага княства Літоўскага ў кантэксце арганізацыі і дзейнасці дыпламатычнай службы дзяржавы ў другой палове 16 стагоддзя, вывучэнне прынцыпаў і напрамкаў працэсу яе інстытуцыяналізацыі. Актуальнасць працы складаецца ў недастатковай распрацаванасці тэматыкі ў айчыннай і замежнай гістарыяграфіі, неабходнасці інтэнсіфікацыі даследаванняў па тэме на базе сучасных метадалагічных падыходаў, комплекснага вывучэння дзяржаўных інстытутаў улады ВКЛ, адказных за фарміраванне і вядзенне знешняй палітыкі. Па выніках выканання навукова-даследчай працы былі атрыманы наступныя вынікі: ажыццёўлены комплексны аналіз арганізацыі дзейнасці і структуры дыпламатычнай службы ВКЛ у другой палове 16 ст., паднятыя такія пытанні як характар пасольскай службы ВКЛ (правілы і крытэрыі прызначэння на паслоў, аналіз іх фармальных і фактычных паўнамоцтваў, нефармальныя кантакты і іх значэнне, метады рэалізацыі дыпламатычных задач, уплыў дыпламатычных місій на далейшую кар'ерную службу), праблемы тыпалагізацыі дыпламатычнага фармуляра (працэс канцылярскай падрыхтоўкі, экспертная работа), асаблівасці культуры дыпламатычнай дыскусіі. Вылучаны асноўныя этапы фарміравання структур знешнепалітычнага кіравання, вызначаны ключавыя прыярытэты пры фарміраванні знешнепалітычнай стратэгіі ВКЛ і яе ажыццяўлення на практыцы, сістэматызаваны назапашаны вопыт папярэднікаў.