Сацыяльная дактрына каталіцкай царквы і яе рэалізацыя ў свеце на сучасным этапе. № УД-3128/вуч.

Abstract

Вось ужо дзве тысячы гадоў хрысціянства з’яўляецца адным з найважнейшых кампанентаў сусветнай гісторыі, які часта паўплывае на палітычнае, ідэалагічнае, а часам і эканамічнае развіццё чалавецтва. Менавіта рэлігійныя асновы з’яўляюцца вытокамі грамадскай эвалюцыі цывілізацый і па словах К. Ясперса вакол іх «накручваецца ход гісторыі». Роля і месца каталіцкай царквы ў сучасным свеце становіцца апошнім часам прадметам усё большай цікаўнасці. Рымска-каталіцкая канфесія прадстаўляе асаблівы інтарэс таму, што яе ўплыў большы за нейкую адну краіну ці нават групу краін. Каталіцкая царква з’яўляецца адным з самых уплывовых інстытутаў (за апошнія два гады колькаць каталікоў у свеце павялічалася на на 15 млн. вернікаў і складае на 2012 г. 1 млрд. 196 млн. чалавек). Каталіцызм прэтэндуе на месца не толькі рэлігійна-духоўнага, але і маральнага, сацыяльнага, палітычнага аўтарытэту. Каталіцызм і каталіцкая дактрына ляжаць у аснове поглядаў на праблемы свету сотняў мільёнаў каталікоў усіх кантынентаў, іх палітычных партый і грамадскіх арганізацый. Спецкурс з’яўляецца адказам на ўсплеск цікаўнасці ў апошнія дзесяцігоддзі айчыннай навукі да рэлігійнай праблематыцы. Сёння, калі роля рэлігіі ў постсавецкім грамадстве значна ўзрасла, як ніколі, важна зразумець досвед рашэння царквой сацыяльных праблем, а таксама асаблівасці узаемадачыненняў царквы з дзяржавай, палітычнымі партыямі і грамадскімі арганізацыямі. Пашырэнню інтарэса да вывучэння гісторыі каталіцкай сацыяльнай дактрыны і гісторыі каталіцкай царквы садзейнічае і развіццё супрацоўніцтва паміж Ватыканам і Рэспублікай Беларусь. Для Беларусі Ватыкан з’яўляецца адным з важных партнёраў у Еўропе, пра што сведчаць сустрэча прэзідэнта РБ А. Лукашэнкі з Бенедыктам ХVI.