Беларусь у гады Першай сусветнай вайны. № УД-1432/вуч.

Abstract

У жыцці людзей асобных гарадоў, краін, народаў, кантынентаў ёсць падзеі, якія вельмі важныя для вывучэння лакальнай або сусветнай гісторыі. Але ёсць і такія падзеі, якія па сваёй геаграфіі ахопу і наступствах глабальныя для ўсяго насельніцтва нашай планеты. Да апошніх, безумоўна, адносіцца і адзін з найбуйнейшых ваенных канфліктаў у гісторыі чалавецтва – Першая сусветная вайна. Нягледзячы на даўнасць гэтага канфлікту, вывучэнне яго падзей і наступстваў набывае новы кантэкст і з новай цікавасцю прыцягвае даследчыкаў. У першую чаргу гэта звязана з тым, што «Вялікая вайна», як часта называюць гэтую падзею, аказала шматпланавае ўздзеянне на развіццё большасці вядучых сусветных дзяржаў. Дадзены ваенны канфлікт стаў своеасаблівай раздзяляльнай рысай, пасля якой агульны ход развіцця еўрапейскай цывілізацыі змяніў свой кірунак.