Эвалюцыя парламенцкай сістэмы Вялікага Княства Літоўскага ў XIV - XVIII стст. № УД-991/вуч.

Abstract

Вучэбная дысцыпліна “Эвалюцыя парламенцкай сістэмы Вялікага Княства Літоўскага ў XIV–XVIII стст.” распрацавана для падрыхтоўкі спецыялістаў з вышэйшай адукацыяй першай ступені навучання і прызначана для студэнтаў, якія атрымліваюць адукацыю па напрамку спецыяльнасці 1-21 03 01-01 Гісторыя (айчынная і ўсеагульная) на гістарычным факультэце Беларускага дзяржаўнага ўніверсітэта. Курс “Эвалюцыя парламенцкай сістэмы Вялікага Княства Літоўскага ў XIV–XVIII стст.” належыць да цыкла дысцыплін спецыялізацый і звязаны з такімі вучэбнымі дысцыплінамі, як “Гісторыя новага часу”, “Гісторыя славянскіх краін”, “Гісторыя дзяржаўных устаноў”. Мэтай спецыяльнага курса з’яўляецца фарміраванне ў студэнтаў кампетэнцый і ведаў па гісторыі дзяржаўнага ладу і парламенцкай сістэмы Вялікага Княства Літоўскага з XIV па XVIII ст. Для дасягнення дадзенай мэты неабходна вырашыць наступныя задачы: разгледзець віды крыніц і накірункі гістарыяграфіі па даследчай праблеме; прааналізаваць генезіс протапарламентарных органаў улады на землях Беларусі і Літвы; ахарактарызаваць месца прадстаўнічых органаў у структуры ўладных інстытутаў ВКЛ і Рэчы Паспалітай на працягу ўсяго вывучаемага перыяду; вывучыць структуру органаў саслоўнага прадстаўніцтва ВКЛ на ўсіх узроўнях; разгледзець функцыянаванне сойма, яго склад і кампетэнцыю; вызначыць месца і ролю Вялікага Княства ў працэсах развіцця і дзейнасці вальнага сойма Рэчы Паспалітай; прааналізаваць персанальны склад прадстаўніцтва ВКЛ на соймах супольнай дзяржавы; правесці параўнанне парламенцкіх сістэм Вялікага Княства Літоўскага, пазней Рэчы Паспалітай, і іншых краін Еўропы.